Молитва о врачах, недугующих, исцелившихся и усопших
Владыко Вседержителю, Заступниче и Спасе мира, Врачу и Помощниче страждущих, Избавителю и Спасителю болящих, телесныя и душевныя скорби человеков исцеляяй, Победителю смерти!
Молим Ти ся, Боже наш, очисти и избави нас от всякия болезни и скверны плоти и духа. Господи, не оcтави нас: врачебную твою силу с небесе ниспосли, всякую немощь таящуюся отжени, помози нам во время поветрия и избави нас от всякия скорби, зол и болезни, устави находящую язву, терпение же даруй нам в час сей.
Господи, восстави нас: буди врач всем нам, воздвигни нас от одра болезни и от ложе озлобления, приими мольбы врачей, сестер и всех служащих и преподающих попечение, защищение и облегчение в лечебницех сущим, укрепи их человеколюбием Твоим и утверди их силою Твоею.
Упокой в месте прохлаждения иже от лютыя сея поветренныя болезни усопших рабов Твоих, братий и сестер наших.
Восстави же нас, оставльшихся здравых и исцеленных, во Святей Твоей Церкви в поклонение и славу Всесвятаго имене Твоего.
Твое бо есть еже миловати и спасати ны, Боже наш, и тебе Славу воссылаем, Отцу, и Сыну, и Святому Духу ныне и присно и во веки веков. Аминь.
